Maja

Flutt!!

Mon, 07 Jan 2008 21:21:59 GMT

Ákvað að prófa að flytja mig um set í netheimum... nýja síðan mín er maja1907.bloggar.is. Ætla að prófa þetta og sjá hvað mér finnst skemmtilegra umhverfi.

Sjáumst

Gleðilegt ár!!

Tue, 01 Jan 2008 17:29:45 GMT

Kæru lesendur. Ég óska ykkur öllum gleðilegs árs og megi nýja árið, 2008, færa ykkur gæfu og gleði.

Áramótin hjá okkur fóru þannig fram að við fórum til Akureyrar og borðuðum þar hjá mömmu og pabba... 11 manns þar í mat... humar í forrétt og kalkúnn í aðalrétt með þvílíku meðlæti... takk fyrir mig... þetta var geðveikt og mig dauðlangaði í kalkúninn og fyllinguna þegar ég vaknaði í morgun... nennti bara ekki að fara til Akureyrar til að fá mér að borða;) Við vorum hjá mömmu og pabba til að verða 10 en héldum þá aftur heim til Dalvíkur, til Davíðs og fjölskyldu, horfðum á skaupið þar... sem var nú bara fínasta skaup... og skutum upp með þeim. Við stoppuðum þar til að verða 2 en þá var Alexander orðinn svolítið þreyttur svo við mæðginin fórum heim að sofa en heimilisfaðirinn hélt á vit skemmtanalífsins í bænum og kom seint heim. Við erum svo bara búin að vera í leti í dag, fórum um stund í Böggvisbrautina og fengum kræsingar þar að venju og erum núna bara í leti hér heima... eins og nýársdagur á að vera:D

Svo er bara vinna á morgun í fyrsta skipti síðan 13. desember, spurning hvort maður hefur daginn af hehe:lol: Og spurning hvort mér tekst að vakna á tilsettum tíma... er orðin alltof góðu vön þessar síðustu 3 vikur, búnað sofa út og liggja eða sitja með löppina upp í loft... eins og mér var sagt að gera;)

Munið svo að njóta síðustu jóladaganna til hins ítrasta... heilt ár í næstu jól:D

Knús á línuna:*

Jólin

Thu, 27 Dec 2007 18:11:58 GMT

Nú eru jólin liðin... eða amk þessir aðaljóladagar... við Addi erum reyndar bæði í fríi báða vinnudagana milli jóla og nýárs svo það gerir þessa daga soltið jólalega líka. Jólamaturinn heppnaðist svona líka vel hjá minni... húsbóndinn gaf mér hæstu einkunn fyrir bæði forrétt og aðallrétt... erum enn ekki búin að fá okkur eftirréttinn hehe:lol:

Búið að borða ógrynni af mat, nammi og kökum síðustu daga svo ég held maður stígi ekki á vigt í bráð:$ En eftir morgundaginn verður vonandi auðveldara að byrja að hreyfa sig... losna við gifsið þá;) Förum til Akureyrar og mér skilst að það sé kvöldmatarboð hjá mömmu og pabba... meira góðgæti... ekki veitir nú af. Við Alexander fórum í Bárðardalinn í gær á jólaball... fullt af fólki og bara fínasta skemmtun... ekki farið á svona barnaball í mörg ár:D

Nóg af jólapökkum sem komu inná heimilið og margir stórir pakkar. Alexander fékk 18 pakka... ég taldi nú ekki hvað ég fékk marga pakka en þeir voru nokkrir... fékk m.a BLEIKA hrærivél frá manninum mínum elskulega... og hún er GEÐVEIK;) Fengum líka matvinnsluvél og pizzaofn svo það verður hæft að malla mikið af góðgæti hér á bæ á næstu dögum. Ég gaf Adda úr, bókina hans Einars Bárðar og Peter Sellers Collection í jólagjöf og hann var bara mjög sáttur með það. Ætlaði að gefa honum annað en það var uppselt í augnablikinu... aldrei að vita nema það laumist í afmælispakkann hans í mars;) Bóndi minn gaf mér líka eyrnalokka, voða fína og svo fékk ég Desp. Housewifes 3 frá syninum elskulega... ótrúlegt hvað hann veit hvað mamman vill:lol:

Jæja... ætli sé ekki best að tékka á fiskinum í ofninum... já ég ákvað að elda einhvern góðan fiskrétt í dag eftir allt kjötmetið síðustu daga:D

Adios... Majan

3 dagar...

Fri, 21 Dec 2007 14:18:07 GMT

... og tæpar 4 klukkustundir þar til klukkur hringja inn jólin. Fór í klippingu í gær og þar vorum við að ræða um ýmislegt sem minnir okkur á jólin. Hver man ekki eftir jólaauglýsingunni frá Coca cola þar sem fólkið er að syngja "I'd like to buy the world..." haldandi á kertum og mynda loks jólatré? Þessi auglýsing er bara jólaleg. Líka finnst mér þegar jólakveðjurnar eru lesnar á Rás 1 á þorláksmessu... það er jólalegt. Minnir mig á þegar ég var krakki, mamma og pabbi voru alltaf með stillt á kveðjurnar og við systurnar að aðstoða við að klára að þrífa og skreyta. Lyktin af Þrifi finnst mér líka svo jólaleg... og svona húsgagnaolíu í bland við þriflyktina. Mamma bar alltaf olíu á viðarhúsgögnin fyrir jólin þegar ég var lítil og ég man enn eftir því, þó það séu örugglega að verða 30 ár síðan hún hætti því. Hangikjötslykt er náttúrlega alltaf jólaleg... svo ekki sé talað um kalt hangikjöt, laufabrauð og smjör og malt og appelsín með... NAMMMMM:P Lyktin af rauðkálinu sem mamma sýður er ofurjólaleg... og ekki má gleyma lyktinni af hamborgarhryggnum sem blandast við rauðkálslyktina:D Og síðast en ekki síst er það jólamessan... þegar klukkurnar hringja kl. 6 á aðfangadagskvöld og jólamessan í útvarpinu hefst... ÞÁ ERU SKO JÓLIN KOMIN:)

Við ætlum að halda okkar fyrstu jól ein þetta árið og er tilhlökkunin mikil hjá mér... þó svo að ég sé líka pínu kvíðin yfir að maturinn misheppnist hjá mér og verði ekki eins og ég ætlaði mér. Ég var að búa til jólaísinn áðan, gekk bara vel nema ég held ég hafi brætt úr hrærivélinni... eða svona næstum því... hún gafst bara allt í einu upp á að hræra:( Á eftir ætla ég svo að skoða fínu matreiðslubókina mína sem tengdaforeldrar mínir gáfu mér í jólagjöf fyrir 2 árum og athuga hvort ég finn ekki einhvern girnilegan forrétt. Aðalréttinn er búið að kaupa, hamborgarhrygg frá Ali.

En hvað er það sem ykkur finnst jólalegast? Og hvað á að hafa í jólamatinn?

Annars vil ég bara óska ykkur öllum gleðilegra jóla og farsældar á nýju ári.

Knús og kossar;)

Óheppnin alltaf hreint!!

Wed, 12 Dec 2007 15:03:56 GMT

Ég er svo ótrúlega heppin eða þannig... fór á jólaglögg með Adda á föstudaginn og skemmti mér alveg konunglega þar. Þegar klukkan fór að nálgast miðnætti fór að flosna upp úr hópnum og leiðir okkar Adda skildu... Addi með Davíð í partý til Stebba en við Elsa fórum til Svönu. Þar var mikið stuð og mikið gaman en svo kom að því að fara í bæinn... á hið alræmda Bakarí. Mér tókst að detta einu sinni á leiðinni niðreftir en hefði sjálfsagt dottið oftar ef ekki hefði verið fyrir aðstoð tveggja herramanna;) Þess ber að geta að ég var á pinnahælaskóm sem voru þó ekki mjög háir... en HÁLIR:!: Ég stoppaði nú ekki lengi á Bakaríinu þar sem mér fannst nú ekkert sérlega mikið stuð og svo saknaði ég líka Adda míns svo ég fékk að hringja í hann (minn sími var straumlaus) og komst þá að því að hann var kominn heim fyrir nokkru síðan svo ég ákvað að labba bara heim til hans. Það fór ekki betur en svo að þegar ég var komin langleiðina heim tókst mér að misstíga mig í Hólaveginum og flaug á hausinn með það sama og gat engan veginn staðið upp aftur. Þarna sat ég um stund þar til ég sá ungan mann ofar í götunni og kallaði í hann og bað um aðstoð. Hann kom og hjálpaði mér upp en þá komst ég að því að ég gat eiginlega ekki gengið, svo mikill var verkurinn í öklanum. Ég spurði unga mannin því kurteislega hvort hann gæti nokkuð keyrt mig heim en hann svaraði því NEITANDI og hljóp upp götuna, settist inn í bíl og ók af stað8| Halló!!! Ég m.a.s sagðist búa stutt frá svo þetta myndi ekki taka hann langan tíma. Ég skrölti því heim á nælonsokkum og nánast skreið síðustu metrana, hágrátandi af sársauka:cry: Mikið var ég glöð þegar ég skreið inn um dyrnar heima hjá mér og í fangið á Adda mínum.

Daginn eftir var öklinn ekki frínilegur og ég gat ekki stigið í fótinn, ætlaði að fara í laufabrauð í sveitina en varð að sleppa því. Jólahlaðborðið hjá Kríló var svo um kvöldið en þar mætti ég haltrandi með tvöfaldan ökla. ÉG er ennþá vel marin en bólgan er aðeins byrjuð að hjaðna en verkurinn er enn mikill. Ekki er ég brotin, sem betur fer en ég verð lengi að jafna mig eftir þetta.

Nú erum við Alexander heima þar sem við Addi vöknuðum upp kl. 2 í nótt við að Alex var að æla. Hann er búinn að æla einu sinni í dag en er frekar lystarlítill greyið.

En best að fara að sinna krúttinu mínu.

Kveðjur Majan

Jólin!

Wed, 05 Dec 2007 21:18:17 GMT

Jólin nálgast óðfluga og ég ætlaði sko að vera búin að gera allt jólalegt og flott hjá mér 1. desember. Einhvernveginn hefur þetta allt farið fyrir ofan garð og neðan hjá mér, er ótrúlega orkulaus þegar ég kem heim, hef þó afrekað að setja ljós í allflesta gluggana... annar stofuglugginn er þó eftir þar sem ég keypti tvær ljósagardínur í IKEA um daginn en þegar ég ætlaði að setja þær upp var önnur ekkert ljósagardína heldur bara lengja með stjörnum... mín var freeeekar pirruð þetta kvöldið:^) Ég hringdi svo bara í Höllu og hún ætlar að redda þessu fyrir mig, kemur norður í laufabrauð um helgina svo ég get klárað gluggana þá:D Aðrar skreytingar eru aðeins byrjaðar að tínast upp úr kössum en ekki mikið.

Nóg um að vera um helgina hjá okkur hjúunum, jólaglögg í vinnunni hans Adda á föstudagskvöldið og svo erum við að fara á jólahlaðborð á laugardagskvöldið með Kríló. Laufabrauðsgerð á laugardaginn... reikna með að við Alexander förum bara 2 þar sem Addi þarf örugglega að nota daginn í að byggja upp þrek fyrir kvöldið;) Svo bíðum við bara spennt eftir að það verði kveikt á jólatrénu hér á Dalvík og jólasveinarnir komi í Húsasmiðjuna... eða þarna svalirnar fyrir ofan:D Samt týpiskt ef það verður á laugardaginn og ég komist ekki:S

En nú verð ég að fara að sofa... þarf að mæta 7:30 á morgun í vinnuna og það tekur nú sinn tíma að koma sér á lappir og koma barninu með sér!!

Góða nótt kæru vinir og veriði góð hvert við annað á aðventunni;)

Nóvember

Wed, 14 Nov 2007 20:55:32 GMT

Kominn 14. nóvember og þetta er fyrsta færslan mín þennan mánuðinn... ekki alveg að standa mig í þessu bloggi:$

Valdís mín átti afmæli í gær, 34 ára gellan og vil ég óska henni til hamingju með daginn í gær.. vildi óska að ég væri nær henni svo við hittumst oftar... en svona er lífið bara. Eva mín og Ársæll eignuðust dreng í fyrradag, þann 12. nóv. og vil ég óska þeim innilega til hamingju með litla prinsinn. Kristján og Magnea eignuðust stúlku í gær og vil ég óska einnig þeim innilega til hamingju með nýja fjölskyldumeðliminn.

Í Hjarðarslóðinni gengur lífið sitt vanagang.. jólin nálgast eins og á öðrum heimilum og húsmóðirin orðin heldur betur spennt fyrir jólunum. Ætla að fara í IKEA þegar við förum suður eftir 1 og hálfa viku og reikna með að þar muni ég missa mig í jólainnkaupum:lol: Við stefnum á að reyna að kaupa sem mest af jólagjöfunum í borginni... fara í Toys'R'Us, IKEA, Kringluna og Smáralindina og svona alla helstu "Norðlendinga" staðina;) Finnst samt einhver stemning í því að eiga eina til tvær jólagjafir eftir á Þorláksmessu:D Ég stefni að því að vera komin með jólaljósin upp 1. desember.

Jólahlaðborð í vinnunni minni 8. desember sem ég vona að verði bara gaman. Maður kannski kíkir á pöbbinn eftir það ef maður er í góðum gír.

Við Addi erum að fara í leikhús á laugardagskvöldið, ásamt nokkrum vinnufélögum Adda, að sjá Sölku Völku hér á Dalvík... hlakka mikið til... alltaf svo gaman að fara í leikhús.

Fyrir þá sem ekki vita hefur Alexander verið mikið veikur ... eða kannski ekki mikið heldur oft... síðan hann byrjaði í leikskólanum og erum við hjónaleysin orðin frekar þreytt á ástandinu. Meðan hann var veikur var ekki nokkur leið fyrir okkur að fá hann til að sofa í sínu rúmi og hefur hann aldrei fengist til þess að sofna í sínu rúmi síðan við fluttum þó hann hafi nú sofið þar flestar nætur í sumar. Þetta tekur ótrúlega á og erum við Addi endalaust þreytt þar sem það er ekki mikil hvíld þegar 3 einstaklingar sofa saman í 153 cm rúmi... þó einn þeirra sé ekki stór er hann ótrúlega plássfrekur8| Það var því tekið á því hér á bæ í gærkvöldi og ákveðið að sonurinn skyldi nú sofna í sínu rúmi framvegis og sofa þar alla nóttina... sama hvað það kostaði. Við bjuggum okkur undir að þetta myndi taka 3-4 klst. þar sem flestir sem við höfðum rætt við sögðu okkur það. Ég fór inn með honum rúmlega 9 í gærkvöldi og þetta tók tæpa klukkustund:!: Hann grét reyndar mjög sárt og það lá við að ég gréti líka en þetta tókst á endanum og hann sofnaði, hann vaknaði svo einu sinni í nótt og grét mikið yfir að fá ekki að koma upp í til okkar. En við vorum ótrúlega sterk og okkur tókst að halda þetta út og Alexander sofnaði aftur í sínu rúmi eftir hálftíma til klukkutíma grát án þess að við tækjum hann upp. Í kvöld tók þetta ekki nema 15-20 mínútur, hann grét aðeins en gafst svo upp og sofnaði:) Svo nú er bara að sjá til hvernig framhaldið verður... vonandi er þetta bara góð byrjun á því sem koma skal:D

Stress!!

Wed, 24 Oct 2007 19:28:15 GMT

Ég veit ég hef enga ástæðu til að stressast en einhvernveginn stend ég mig að því. Þannig er mál með vexti að Alexander er búinn að vera með eyrnabólgu í meira en mánuð og er ástandið orðið meira en lítið þreytandi. Við fórum með hann til eyrnalæknis í gær í svona eftirlit og þá sá læknirinn að eyrnabólgan var enn til staðar:whut: Hann ákvað því að gefa okkur tíma í aðgerð á fimmtudagsmorguninn kl. 8:00, sem sagt í fyrramálið. Þá ætlar hann að athuga hvort bólgan sé hjöðnuð og ef svo er verður Alexander svæfður og krukkað eitthvað í eyrað á honum, jafnvel sett rör í eyrun. Ég er semsagt móðirin sem hefur áhyggjur af syni sínum, þrátt fyrir að það segi allir að þetta sé hin minnsta aðgerð og börn séu fljót að jafna sig eftir hana. Addi ætlar að vera heima hjá gimsteininum sínum eftir hádegi þar sem það er mikil mannekla í vinnunni minni og ég verð að mæta.

Við fórum til Akureyrar í gær og keyptum okkur eitt stykki hægindastól og eina hillu í stofuna. Loksins er stofan að verða nokkuð góð hjá okkur:) Addi þykist að sjálfsögðu eiga stólinn... þrátt fyrir að ég hafi borgað hann með mínu korti :lol: En ætli það skipti öllu hvaðan peningarnir koma... þetta er allt það sama hjá okkur;)

61 dagur til jóla samkvæmt nýjustu upplýsingum... ég er mikið farin að spá og spögulera hvernig ég eigi að skreyta fyrir jólin í Hjarðarslóðinni... soltið meira af seríum og skrauti sem við getum haft hérna en í Lokastígnum. Annars keypti ég 3 stjörnur í glugga í fyrra sem ég reikna með að nota í einhverja gluggana hér. Svo er maður alltaf að spá í hvað á að baka, hvað á að elda, hvað á að gefa í jólagjafir o.s.fr.v.... en það er svosem nógur tími. Ætli við reynum ekki að kaupa megnið af gjöfunum og skrautinu þegar við förum suður í lok nóvember... orðið sæmilega jólalegt þá reikna ég með:D

Ég var að velta fyrir mér einu um daginn. Nú er Edward kvensjúkdómalæknir búinn að vera í fríi í 2 mánuði og hann er sá læknir sem hefur haft flesta tíma þar sem hann vinnur á kvöldin og aðrir læknar eru fullbókaðir margar vikur fram í tímann svo maður hefur þurft að bíða lengi eftir að komast til þeirra. Ég hef því verið að velta fyrir mér hvernig maður á að snúa sér ef maður þyrfti nú virkilega að komast í kjallaraskoðun og það sé þannig að ekki sé gott að bíða margar vikur. Af hverju fær Edward ekki afleysingalækni fyrir sig á meðan hann er í fríi eða hinir læknarnir bæta við sig tímum??? Ég myndi amk ekki vilja vakna einn daginn með bullandi sveppasýkingu eða eitthvað álíka þægilegt og þurfa að bíða í margar vikur eftir því að komast á lyf til að laga þetta8|

En nóg um það... bið að heilsa í bili... M

Þreyta

Wed, 17 Oct 2007 20:48:56 GMT

Ég er alveg orðin þreytt á þessari endalausu þreytu í mér. Það er ekki eins og það sé ofverkið manns að vinna 8 tíma á dag 5 daga vikunnar með eitt barn... en það er það bara fyrir mig. Ég er gjörsamlega búin á því þegar ég kem heim og kem engu í verk hér heima fyrir... sonur minn er náttúrlega mjög duglegur að láta foreldra sína vakna oft á nóttunni... ekki margar nætur sem við höfum sofið alla nóttina síðan hann fæddist... en við bíðum bara og vonum að einhverntíman... já einhverntíman komi að því að hann fari að sofa alla nóttina. Ég tók því þá ákvörðun að minnka örlítið við mig vinnuna... ekki mikið því það kostar jú að lifa... svo ég er að vinna alla daga til 4 nema fimmtudaga, þá hætti ég kl. 1... og Alexander líka reyndar en hann sefur nú vanalega eftir hádegið svo ég ætti að hafa orku í eitthvað þegar ég kem heim;) Og það skrítna er að mér líður ekkert illa yfir þessari ákvörðun... ég hélt einhvernveginn að ég myndi upplifa þetta sem leti eða aumingjaskap í mér en svo er alls ekki... ég er svo ánægð með þetta og efast ekki um að ég verði mun hressari fyrir vikið:)

Við erum loksins farin að sjá fyrir endann á veikindum Alexanders... 7-9-13... hann er að klára sýklakúr númer 2 á 3 vikum en við þurfum samt að fara með hann aftur í eftirlit til Friðriks Páls 23. október, vonandi kemur það bara vel út... svo er alveg spurning hvað hann segir, kannski vill hann bara setja rör í eyrun hans og er það bara vel... amk ef það lagar kvalir hans.

Styttist í jólin... ekki nema um 68 dagar til jóla ef ég hef talið rétt. Við ætlum að vera bara 3 á aðfangadagskvöld, amk fram yfir matinn og opna nokkra pakka en förum svo kannski til tengdamömmu og pabba eða bjóðum þeim til okkar seinna um kvöldið:) Ég er farin að hlakka ótrúlega mikið til að elda mína fyrstu jólamáltíð en samt er smá kvíði líka... held það sér reyndar bara eðlilegt... leiðinlegt ef jólamaturinn eyðileggst:$ Við ætlum að skella okkur suður í lok nóvember ef veður og færð leyfir, gista hjá Höllu og Jónatan og versla hitt og þetta fyri jólin og svona. Langar samt mest suður núna eftir að þessi Toys'R'us-bæklingur kom inn um lúguna í gær... hlægilegt verð á dótinu þarna.

En nú ætla ég að fara að koma mér fyrir í sófanum með manni mínum... leikurinn að klárast í sjónvarpinu og Íslendingar að tapa.

See ya... Maja

???

Sun, 14 Oct 2007 21:05:40 GMT

You are The High Priestess

Science, Wisdom, Knowledge, Education.

The High Priestess is the card of knowledge, instinctual, supernatural, secret knowledge. She holds scrolls of arcane information that she might, or might not reveal to you. The moon crown on her head as well as the crescent by her foot indicates her willingness to illuminate what you otherwise might not see, reveal the secrets you need to know. The High Priestess is also associated with the moon however and can also indicate change or fluxuation, particularily when it comes to your moods.

What Tarot Card are You?
http://www.flarn.com/~warlock/tarot

Take the Test to Find Out.

Hitt og þetta

Wed, 10 Oct 2007 19:51:36 GMT

Sonur minn var nánast aldrei veikur, fékk annað slagið kvef og hafði sárasjaldan fengið hita áður en hann byrjaði í leikskóla... nú er hann alltaf veikur:( Hann byrjaði í byrjun september að vera viku frá í leikskólanum, mætti svo í eina viku og varð aftur veikur á mánudegi í vikunni eftir það og var heima alla vikuna... fór svo í leikskólann í eina viku en fór veikur heim á föstudegi með tæplega 39 stiga hita... fór svo núna á mánudaginn en var kominn með hita þegar ég kom með hann heim í gær og er enn með háan hita í dag... ég get bara sagt ykkur það að ég er orðin þokkalega þreytt á þessu... enda er alveg fáránlegt hvað veikindadagar vegna barna eru fáir... ég fæ heila 7 daga á ári og Addi eins... finnst það mætti vera mikið meira... sérstaklega þegar börn eru innan við 2 ára... og þeim fjölgar ekkert þó maður eignist fleiri börn... þá er sko bara eins gott að öll börnin verði veik á sama tíma... eins og það hlýtur að vera auðvelt:!::$ En ég vona svo innilega að þetta fari að lagast hjá greyinu... erfitt fyrir hann að vera svona:cry:

Annars skelltum við hjúin okkur á árshátíð Starfsmannafélags Dalvíkurbyggðar á laugardagskvöldið og var það alveg ljómandi fínt... þó svo að matarlystin hafi ekki verið uppá sitt besta þar sem ég var í skemmtinefnd og var svo stressuð yfir atriðinu okkar... sem tókst reyndar bara mjög vel og margir segja að hafi verið með betri atriðum árshátíðarinnar... alltaf skal ég vera stressuð að óþörfu:lol: Húsfreyjan skellti sér í klippingu og strípur til Jonnu á laugardagsmorguninn og fékk greiðslu í lokin... fengum svo Huldu systur til að koma til Dalvíkur og farða okkur fyrir árshátíðina... svo mín var bara ofurskuttla;) Og það besta var að ég komst í kjólinn minn sem ég keypti mér fyrir jólin í fyrra... var viss um að hann væri of lítill:haha:

Fyrsti afmælisdagur Alexanders liðinn og ég get svarið það að mér fannst ekkert smá skrýtið þegar hann rann upp... ekki alveg að fatta að það sé orðið rúmt ár síðan hann fæddist... en svona er þetta bara... veislan gekk vel og afmælisbarnið bara sáttur með daginn:lol:

Ég bið ykkur annars bara vel að lifa... Maja

There's a first time for everything

Mon, 24 Sep 2007 20:00:35 GMT

Senn líður að fyrsta afmælisdegi sonar míns og er áætlað að halda smá veislu á laugardaginn fyrir litla manninn. Í fyrsta sinn sem ég held barnaafmæli og langt frá því að vera í það síðasta. Verð að viðurkenna að það greip mig smá kvíði við tilhugsunina í fyrstu... mun ég standa mig sem skyldi við þennan merka atburð... og fleiri hugsanir sem læddu sér inn í hausinn á mér... en ég ákvað að hrista þær af mér og hugsa bara: "Ég get þetta.";) Byrjaði að baka um helgina og setti bara beint í frost... mamma ætlar svo að baka smá fyrir mig og tengdamamma eina köku... svo er bara að nýta kvöld vikunnar í bakkelsi og þrif... þá ætti þetta allt að smella á laugardaginn:D

Ég er enn að mæta í tímana í Víkurröst og m.a.s búin að borga fyrstu borgun svo ég ætla mér að standa mig í vetur:!: Fór í mælingu og vigtun áðan og á svo að fara aftur eftir 2 mánuði minnir mig... en ég vona svo sannarlega að tölurnar sem koma þá á skjáana verði fallegri en tölurnar sem ég sá í dag8| Tíminn á laugardaginn síðasta var einn sá erfiðasti sem ég hef farið í... hélt hreinlega að þetta væri mitt síðasta... hugsaði stöðugt um allt sem ég ætlaði mér að gera í lífinu og er ekki búin að framkvæma og um strákana mína tvo sem eru mér allt... hélt ég myndi aldrei sjá þá aftur... en ég hafði það af og komst heil heim:D Er búin að snarminnka brauðátið hjá mér og ætla að "kötta" fleira niður með tímanum... svo sem nammi og gos... en það verður öllu erfiðara þar sem ég er MIKILL NAMMIGRÍS:( En ég skal ná af mér nokkrum kílóum og sentimetrum fyrir jólin og ætla helst að halda áfram eftir jól8)

En nóg af ræktarmálum... Alexander er enn með mikinn og ljótan hósta og kvef... mældi hann m.a.s með nokkrar kommur áðan svo ég er á báðum áttum hvort ég fer með hann í leikskólann á morgun eður ei... sé til hvernig hann verður í nótt og fyrramálið. Hann er ekki enn laus við eyrnabólguna sem hann var með og er nú kominn með í hægra eyrað líka:cry: Greyið litla grét svo á næturna um daginn að ég vissi hreinlega ekki hvað gekk á... hann byrjaði nefnilega á því að sofa svo vel í 3 heilar nætur í röð... svo við hjónaleysin vorum orðin vongóð um að svefnvandamál sonarins væri loksins úr sögunni... en nei... byrjaði hann að gráta svona líka á nóttunni og grét upp í klukkutíma í einu svo við ákváðum að fara með hann til læknis á föstudaginn með ofangreindum sjúkdómsgreiningum... og við eigum bara að gefa honum stíla og vera þolinmóð8|

Jæja... látum þetta gott heita í bili... blogga kannski um gengi afmælisveislunnar.

Ciao M.

Enn lasinn:(

Thu, 13 Sep 2007 21:13:15 GMT

Alexander Már er enn lasinn... var með 39 stiga hita á mánudagsmorguninn en var kominn í rúmlega 38 á mánudagskvöldið, var hitalaus allan þriðjudaginn svo ég hélt hann væri á batavegi, var hitalaus í gærmorgun en var svo kominn með rúmlega 38 stig seinnipartinn og það var eins í dag... svo hann verður enn heima á morgun... greyið litla hefur ekkert farið í leikskólann alla vikuna. Ég var heima hjá honum á mánudaginn og Addi á þriðjudaginn. Mín YNDISLEGA tengdamóðir var svo heima með hann í gær og dag og er búnað bjóðast til að hafa hann á morgun líka. Takk elsku Bára mín fyrir að bjarga okkur svona:D

Enn er óákveðið hvort við skellum okkur í afmælisveislu annað kvöld... Raggi bróðir mömmu verður 5tugur á morgun og bíður ættingjum og vinum til veislu í Kiðagili. Hulda mín á líka afmæli á morgun... verður 32 ára stelpan;) Hún ætlar að bjóða familínni til smá kaffisamsætis á sunnudaginn. Siggi bróðir pabba verður svo 6tugur á sunnudaginn en mér skilst að hann verði að heiman á afmælisdaginn;) Ég vil nota tækifærið og óska öllu þessu fólki til hamingju með afmælið;)

Senn líður að því að ég þurfi að halda mitt fyrsta barnaafmæli og er ég bara orðin nokkuð spennt... er m.a.s að spá í að byrja að baka eitthvað á næstu dögum og setja bara í frost... svona til að flýta fyrir mér;)

Haldiði að kellan sé ekki bara byrjuð að hreyfa á sér rassgatið:!: Veit reyndar að það hreyfist alltaf mikið en ég tók þá ákvörðun að prófa að fara í leikfimistíma í Víkurröst á þriðjudögum, fimmtudögum og laugardögum í vetur og fara svo jafnvel út að labba 2x í viku eða svo. Er búnað mæta 2x í þessari viku og líst bara nokkuð vel á. Svo nú er bara að vera dugleg og taka sig á í mataræðinu líka;)

En minn heittelskaði bíður mín í sófanum með poppskál... best að kúrast aðeins með honum og horfa á 1 Dallas-þátt;)

Ciao M.

Einmanalegt...

Mon, 10 Sep 2007 21:45:52 GMT

... í kotinu. Addi skellti sér í bíó með bræðrum sínum og Alexander er sofandi. Húsfreyjan situr því alein frammi í stofu og dundar sér í tölvunni. Var að koma úr sturtu... svo ég geti sofið aðeins lengur í fyrramálið.. þarf að mæta 7:30 þessa vikuna. Var samt heima í dag þar sem Alexander er veikur, var með 39 stiga hita í morgun en hefur aðeins farið lækkandi með deginum... svaf sama og ekkert í dag svo hann lognaðist útaf um kl. 7 í kvöld. Minn fyrsti v.b.-dagur á ævinni;) Addi verður svo heima með hann á morgun en vonandi fer greyið að ná þessu úr sér.

Mamma mín á afmæli í dag og vil ég óska henni innilega til hamingju með daginn:D

Það kom smá pása inní færsluna, byrjaði á henni rúmlega 9 í kvöld en svo vaknaði Alexander og þurfti móðir hans að sjálfsögðu að sinna honum greyinu... búinn að vera alveg ómögulegur í allan dag... og var kominn með þennan líka sæta gröft í augun þegar hann vaknaði, augun voru alveg límd saman:( Hrindi í vaktlækni sem sagði mér að fá bara tíma á morgun fyrir hann.

En nú er best að reyna að koma sér í rúmið... góða nótt

Búferlaflutningar!!

Tue, 28 Aug 2007 18:11:24 GMT

Nei við erum ekki að flytja... en frá því á þriðjudaginn fyrir viku höfum við búið heima hjá tengdaforeldrum mínum þar sem þau fóru erlendis og við þurfum að passa hundinn og köttinn. Sambúðin gengur bara ágætlega... gekk á ýmsu í fyrstu þar sem sonurinn gat ómögulega látið mat og vatn hundsins vera... svo það var nóg að gera í að forða hlutum upp á borð og bekki. Hundurinn ekki alveg sáttur með það fyrstu nóttina að þurfa að sofa frammi en lét sér það að góðu vera... ákváðum samt að leyfa honum að vera inni hjá okkur en hann fær EKKI að koma upp í rúmið:lol: Davíð og fjölskylda taka svo við af okkur á fimmtudagskvöldið þegar þau koma heim frá Barcelona.

Alexander er byrjaður í leikskólanum, búinn að vera þar í rúmar 2 vikur og gengur bara vel, hann er svo ánægður með sig þarna og virðist alveg vera að fíla sig þarna... ég var soltið smeik hvort ég væri að gera rétt í fyrstu með að hafa hann svona lengi í leikskólanum en svo ákvað ég bara að láta slag standa og prófa þetta... ég meina, hann sefur nú dágóðan part af deginum. En hann er sko þreyttur þegar við komum heim... ekki annað hægt að segja... sem er reyndar fínt því hann er yfirleitt alltaf sofnaður um 8 leytið;)

En nú eru Nágrannar búnir og best að fara aðeins heim í Hjarðarslóðina... setja í eina þvottavél og slappa aðeins af... hundslaus;)

Tjusss... Maja